Mat og Helse: oktober 2015

torsdag 29. oktober 2015

Gulrotsuppe og scones med 6. klasse

Nam! Gulrotsuppe og scones!

Denne økta var det berre 6. klasse som hadde mat og helse. Derfor inviterte vi 5. klassingane på gulrotsuppe og scones. Vi fokuserte på å lage eit hyggeleg måltid, og på å vere gode vertar. Vi fant oppskriftene vi trengde i Kokebok for alle. Scones hadde vi laga før, så her er berre ei oppskrift. Vi måtte doble oppskrifta for å få nok til alle. Korleis doblar du ei oppskrift, eigentleg?

Oppskrifta på desse har vi hatt her før

Vi pyntar med serviettar til gjestene kjem.

Serviettblome

Mål i Læreplanen:

vurdere kva god måltidsskikk inneber
bruke rekning for å auke eller redusere mengda i oppskrifter, prøve dei ut og vurdere resultatet
følgje oppskrifter

Gulrot

Gulrotsuppe

Du treng:

1 liten lauk

2 fedd kvitlauk

1 ms olje

ca 300 g gulrot

ca 1 cm frisk ingefærrot

5 dl vatn (ca)

1 grønsaksbuljongterning

0,5 dl kokosmjølk eller kremfløyte

gulrot og ingefær i bitar

bittelitt pepar (1/2 krm)

Du gjer:

Hakk lauk og kvitlauk i små bitar.

Skrell gulrota, og del den i små terningar.

Hakk ingefærrota. Pass på å ikkje ta deg i augene med ingefær på fingrane.

Surr lauk og kvitlauk i oljen, til den blir mjuk.. Ha i gulrot og ingefærrot og surr litt til.

Ha i vatn og buljongtærning. La suppa koke til alle gulrotbitane er møre.

Køyr suppa i foodprofessor, eller bruk stavmiksar på den. Den skal bli heilt glatt.

Tilsett kokosmjølk/kremfløyte og pepar og la suppa putre til den er klar.

Til glatt suppe i matmølla.

Dette smakte jammen bra!

fredag 16. oktober 2015

7. økt: Lapskaus

Dette er vel meir brennsnut enn lapskaus?

Denne økta har vi laga lapskaus, appel chrisp og grove rundstykker. Etter denne økta har alle elevane fått med ein porsjon grove rundstykker heim. Oppskrifta på dei finn du i førre blogg-innlegg.

Denne deiga blei så fin og seig at vi berre måtte ta bilde av den :)

Heve bra gjorde den også :)

Mål i læreplanen:

vurdere og velje varer ut frå etiske og berekraftige kriterium
lage mat for ulike sosiale samanhengar og drøfte korleis mat er med på å skape identitet

Kva er eigentleg lapskaus? Lærar Hildegunn skil mellom lapskaus og brennsnut, der brennsnuten er meir rennande og suppeliknande enn lapskausen. Vi måtte diskutere dette begge øktene, for sjølvom oppskrifta i "kokebok for alle" heiter lapskaus, syns dei fleste den var meir rennande enn den som blir laga heime.

Vi snakka ein del om ingrediensane, om vi kanskje kunne finne ut kvifor denne lapskausen blei så rennande ut frå dei, og kom vel til at det truleg er mangelen av restepoteter som gjer at vi opplever denne retten meir som ei suppe. Vi snakka og om kor omtrentlege måla i middagsoppskrifter ofte er. Kor mykje er eigentleg ei skive rabbe? Vi brukte baconterningar og kotelettar og ein pakke med grillpølser til kjøtt. Vi har ikkje så mange restar i mat og helse, men vi kastar ikkje mat :) Vi brukte litt tid til å snakke om kvifor vi prøver å unngå å kaste mat.

Til dessert hadde vi Appel Chrisp, ei amerikansk oppskrift på ein epledessert som er "yummie comfortfood". Vi fekk tid til å snakke litt om korleis vi opplever mat på ulike måtar, og om dette hadde blitt den same retten dersom oppskrifat av på norsk.

Lapskaus

til 2 middagsporsjonar, eller til 4 elevar i mat og helse

250 g beinfritt kjøt i terningar. (Vi brukte svinekotelettar)

50 g saltkjøt, i terningar (Vi brukte bacon)

Baconterningane

5 dl vatn

1/2 ts salt

1 lauk, grovhakka

Kutte lauk!

Med denne starten, blir det lite grining.

4 poteter, i terningar

1-2 gulrøter, i terningar

2 skiver kålrot, i terningar

Kor mykje er eigentleg 2 skiver kålrot? Kjem ikkje det litt ann på kor stor kålrota er???

1 skive sellerirot, i terningar

Sellerirot

1/2 purre, finsnitta

Finsnitta purre

1/2 krm pepar

Klart for trekking.

1. Kok opp vatnet, ha i kjøtet, salt og lauken. la alt trekkje like under kokepunktet i 30 minutt.

2. Skyll, reins og del opp poteter og grønsaker. Ha potetene, gulrot, kålrot og sellerirot i gryta like før andakta.

Rotgrønsakene i omlag jamnstore terningar. Kvifor bør dei vere jamnstore?

3. La lapskausen trekkje vidare til potene er nesten møre, ca 20 minutt.

4. Set til purre, og la lapkausen trekkje i ca 5 minutt til.

Smak til med pepar og eentuelt meir salt.

Apple Crisp with Oat Topping

Kor langt kan du skrelle?

Filling:

5 apples, peeled and thinly sliced (3 if the apples are large)

Reinsa epler

1/3 cup sugar

Topping:

1/4 cup rolled oats

1/4 cup firmly packed brown sugar

1/4 teaspoon cinnamon

1/4 cup all-purpose flour

3 tablespoons cold butter cut in small pieces

Delt og sukra

På veg inn i omnen

Mix filling ingredients together; spoon into a lightly buttered 15x15x5 cm baking dish.

In a mixing bowl, combine oats, brown sugar, cinnamon, and flour. Cut in cold butter until coarse crumbs form. Sprinkle topping evenly over fruit and press down lightly. Bake at 250° for about 30 to 35 minutes or until topping are browned and fruit is tender and bubbly.

Engelsk	Norsk
Oat	Havre
Peeled	Reinsa
Thinly sliced	Tynnt delte
Rolled oat	Havregryn
Cinnamon	Kanel
All-purpose flour	”vanleg mjøl” = Kveitemjøl
Spoon into	Fordel med skei i
Lightly buttered	Lett smurd
Baking dish	Eldfastform
Combine	Kombiner, eller rett og slett bland
Coarse crumbs	Store smular/små bitar
Sprinkle	Dryss
Evenly	Jamt
Tender and bubbly	Mjuk og boblande

fredag 2. oktober 2015

6. økt: Kyllingwok og eplegraut

Kyllingwok

Kva lagar vi?

Kyllingwok til middag
Eplegraut til dessert
Plommemuffins til kantina
Grove rundstykker til å ta med heim

PS: Dei som ikkje lagar grove rundstykker denne veka, får gjere det veka etter haustferien :)

Kyllingwok

Du treng:

3 kyllingfiletar

2 ts ingefærkrydder
2 ss soyasaus(ev glutenfri?)
Ein desj olje

2 store gulrøtter

½ søtpotet

½ boks minimais

1 paprika

1 liten purre

½ kinakål
ris, ca 1/2 dl ukokt ris pr person til lunsj

Slik gjer du:

La kyllingen ligge i marinaden.

1. Del kyllingen i strimlar og legg strimmlane i krydder og olje og la dei kvile der.

2. Skrell gulrot og søtpotet og del desse i julienne bitar

"Julienne" er jamne små bitar som er lette å ete med pinnar

Vi deler rotgrønnsakene fyrst.

Vi brukte hovudkål i staden for kinakål.

Minimais i strimlar blir slik :)

Pass på å steike kyllingen godt i woka!

3. Vask og del paprika, minimais, purre og kinakål i strimlar. Kok risen!

Wok kyllingen!

4. Wok kyllingen i wok eller steikepanne og ta det gjennomsteikte kjøttet ut av wokka.

Kvile i ei eldfastform.

5. Wok rotgrønsakene i wok eller steikepanne og legg dei saman med kjøttet

6. Wok resten av grønsakene raskt.

Alt tilbake i woka.

7. Putt alt tilbake i woka og bland.

8. Server med ris til.

Smakar best med pinnar, ikkje sant?

Japansk bordvers

Dette blir med veldig dårleg transkribsjon, for eg har berre høyrdt dette verset sunge. Men det japanske bordverset vårt er omlag slik:

Kansha, kansha shoujo. Kansha, kansha shoujo. Kansha, Kansha shoujo kokoro ni.

Det betyr omlag: Takk, takk Herre, Takk frå mitt hjerte.

Eplegraut

Norske epler

ca 400 g skrelte epler i sotre bitar

250 ml vatn

ca 1 dl sukker
Jamning av 1, 5 ss potetmjøl rørt ut i 50 ml kaldt vatn

Slik gjer du:

Skrell epla

Skyll, skrell og del epla i store bitar.

Del epla i store bitar.

Kok opp vatnet med halvparten av sukkeret.
Kok epla møre i sukkerlaken. Smak til med meir sukker om naudsynt.
Lag potetmjølsjamning av potetmjøl og kaldt vatn.
Ta gryta av plata. Ha i potetmjølsjamninga med ein tynn stråle medan du rører godt, slik at det ikkje klumpar seg.
Set kjelen tilbake på plata og la grauten få eit oppkok.
Hell over i ei glasskål og set kaldt.
Serverast kald med litt sukker på. Dette er godt med litt fløyte på også.